საქართველოს პროკურატურამ ბრალი წაუყენა კაცს, რომელმაც მარნეულში ძაღლი ცემით მოკლა. საგამოძიებო უწყების პრესსამსახურის ინფორმაციით, ისინი სასამართლოს კაცის მიმართ აღკვეთის ღონისძიებად პატიმრობის გამოყენების შუამდგომლობით მიმართავენ.
დაკავებულს ბრალი წაუყენეს სისხლის სამართლის კოდექსის 259-ე მუხლის მესამე ნაწილით. ამ მუხლით “ცხოველის წამება, მისდამი სასტიკი მოპყრობა ან სხვაგვარი ძალადობა, რამაც მისი დაღუპვა გამოიწვია”, ისჯება ერთიდან ოთხ წლამდე პატიმრობით.
შინაგან საქმეთა სამინისტროს გამოძიებით დადგინდა, რომ 6 დეკემბერს მარნეულის მუნიციპალიტეტის სოფელ კაჩაგანში ბრალდებულმა კაცმა ჯოხით სასტიკად სცემა ძაღლს. ცხოველი მიყენებული დაზიანებებით მოკვდა. ძალადობის ამსახველი ვიდეოკადრები ერთი თვის შემდეგ, 8 იანვარს, გავრცელდა ფეისბუკში.