მამაკაცმა ქალს ვალუტის ჯიხურთან ფული წაართვა და წაიქცა

ბათუმში, გორგილაძისა და მელიქიშვილის ქუჩების კვეთაში, ქალს ფული წაართვეს. თვითმხილველის თქმით, ქალს ვალუტის გადაცვლის ჯიხურიდან გამოჰქონდა ფული, როცა მას ახალგაზრდა კაცი თავს დაესხა. მამაკაცმა ქალს ფული ჩანთასთან ერთად გამოსტაცა და გაიქცა.

თვითმხილველების თქმით, კაცი, რომელმაც ქალს ფული წაართვა, რამდენიმე ნაბიჯის გავლის შემდეგ, მეორე სკოლის წინ, ტროტუარზე წაიქცა – მან ბოძკინტს წამოჰკრა ფეხი.

წაქცეულ კაცს გაქცევის საშუალება ქუჩაში მყოფმა მოქალაქეებმა არ მისცეს. ის უკვე დააკავა საპატრულო პოლიციამ.

შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 178-ე მუხლის შესაბამისად, რაც ძარცვას გულისხმობს.

batumelebi.netgazeti.ge

Related posts