„არავისზე არ ვარ გაბუტული“ – სალომე ზურაბიშვილი

საქართველოს არჩეული პრეზიდენტი სალომე ზურაბიშვილი ინაუგურაციის ადგილად თელავის შერჩევასთან დაკავშრებით კიდევ ერთ კომენტარს აკეთებს და აცხადებს, რომ ის არავიზე არ არის გაბუტული:

“იმ ადგილის ამორჩევა, სადაც ნაკლებმა ადამიანმა მომცა ხმა იმის სიმბოლური დასტურია, რომ მე ვარ ყველას პრეზიდენტი. არავისზე არ ვარ გაბუტული, თუნდაც არ მომცეს ხმა. ვთვლი, რომ ინაუგურაციის რეგიონში ჩატარება არის ძალიან სწორი. ქვეყანაში, პრინციპში ყველაფერი ტარდება თბილისში და ეს სწორი არ არის. ეს არის გზავნილი არა მხოლოდ თელავის იმ ამომრჩევლისთვის, რომლებმაც არ მომცეს ხმა, ეს არის გზავნილი მთელი იმ საზოგადოებისთვის, რომელმაც თავი შეიკავა ჩემთვის ხმის მიცემისგან და სხვადასხვა პარტიას დაუჭირა მხარი, რომ მე მათი პრეზიდენტიც ვიქნები. ამისთვის მზად ვარ და ეს არის ამის მაჩვენებელი,”- განაცხადა სალომე ზურაბიშვილმა.

წყარო: newposts.ge

Related posts