საქართველოში მომავალი წლიდან პენსიები გაიზრდება. ამის შესახებ პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.
“2024 წლიდან იზრდება ჯანდაცვისა და სოციალური დაცვის პროგრამების ბიუჯეტი, 870 მლნ. აქედან პენსიების ზრდა გვაქვს – 70 წლისა და მეტი ასაკის პირთა პენსია გაიზრდება 50 ლარით და გახდება 415 ლარი.
ამავე კატეგორიის პენსიონერთა პენსია მაღალმთიან დასახლებებში იქნება თითქმის 500 ლარი. აქვე შედარებისთვის გეტყვით, რომ 2012 წელს პენსია იყო 110 ლარი და 125 ლარი. ახლა არის 415 ლარი და მაღალმთიან დასახლებებში – 500 ლარამდე. ეს არის რეალური შედეგი ჩვენი ხელისუფლების მუშაობის” – განაცხადა ირაკლი ღარიბაშვილმა.