ოკუპირებული ცხინვალის რეგიონში აფეთქებას მსხვერპლი მოჰყვა

 

ოკუპირებული ცხინვალის რეგიონში აფეთქებას მსხვერპლი მოჰყვა. სოფელ კეხვის სკოლასთან ორი ადგილობრივი მცხოვრები ნაღმზე აფეთქდა.

 

ორივე დაშავებული მძიმე ტრავმებით საავადმყოფოში გადაიყვანეს. ერთ-ერთი მათგანის გადარჩენა კი ექიმებმა ვერ შეძლეს. შემთხვევის ადგილზე საგამოძიებო ჯგუფი მუშაობს.

 

არსებული ინფორმაციით, სკოლა, რომელთანაც ნაღმი აფეთქდა, 2008 წლის რუსეთ–საქართველოს ომის შემდგომ არ ფუნქციონირებს. საოკუპაციო რეჟიმის წარმომადგენლები აცხადებენ, რომ აუფეთქებელი ნაღმი კეხვში აგვისტოს ომის შემდეგ დარჩა.

 

წყარო: “ინტერპრესნიუსი”

Related posts