2024 წლის იანვარ-ნოემბერში აზერბაიჯანმა საქართველოს 2.2 მლრდ კუბური მეტრი გაზი მიაწოდა.
ამის შესახებ აზერბაიჯანის ენერგეტიკის მინისტრ ფარვიზ შაჰბაზოვმა სოციალურ ქსელ X-ზე დაწერა.
ამასთან, საანგარიშო პერიოდში თურქეთში 9 მლრდ კუბური მეტრი გაზი გავიდა, ხოლო ტრანსანატოლიის გაზსადენით (TANAP) ქვეყანაში 5.1 მლრდ კუბური მეტრი გაზი იქნა ტრანსპორტირებული.
რაც შეეხება ევროპას, მთლიანობაში აზერბაიჯანიდან თერთმეტი თვის განმავლობაში 11.7 მლრდ კუბური მეტრი გაზი იქნა ექსპორტირებული.
ცნობისთვის: 11 თვის განმავლობაში აზერბაიჯანიდან საზღვარგარეთ გაზის გაყიდვები, გასული წლის ანალოგიურ პერიოდთან შედარებით, დაახლოებით, 5%-ით გაიზარდა.
