ალი ბაბაევზე თავდასხმის ბრალდებით ალეკო ელისაშვილი დააკავეს

ალი ბაბაევზე თავდასხმის ბრალდებით ალეკო ელისაშვილი დააკავეს

04-12-2024 23:31
კატეგორიები: პოლიტიკა სამართალი

შს სამინისტროს თანამშრომლებმა პოლიტიკური გაერთიანება “ძლიერი საქართველოს“ ერთ-ერთი ლიდერი ალეკო ელისაშვილი დააკავეს.

მისი დაკავება სასტუმრო “ქორთიარდ მარიოტთან“ მოხდა.

საქართველოში აზერბაიჯანელთა ეროვნული კონგრესის თავმჯდომარემ, ალი ბაბაევმა რამდენიმე დღის წინ განაცხადა, რომ მას ალეკო ელისაშვილი ხელით შეეხო, რის შედეგადაც იგი წაიქცა და გონება დაკარგა. მისი თქმით, იგი კოსტავას ქუჩაზე ერთ-ერთ აფთიაქში შედიოდა, როდესაც მას ზურგიდან შეძახილები მოესმა - „ეს არის, ეს არაკაცი! ეს არის „ქართული ოცნების“ მონა! რუსის მონები!“.

ბაბაევის განმარტებით, მის ზურგს უკან იდგა ალეკო ელისაშვილი, რომელმაც მას ასევე სიტყვიერი შეურაცხყოფა მიაყენა, შეაგინა და შემდეგ ხელით შეეხო, რის შედეგადაც იგი წაიქცა და გონება დაკარგა. სასწრაფო დახმარების ბრიგადამ ის საავადმყოფოში გადაიყვანა.

პოსტი ნახა: 525


მსგავსი სიახლეები

გადაცემები

ახალი შუადღე
სამშაბათი, 13:00

ახალი შუადღე