ციფრული მარკეტინგის სპეციალისტისა და აქტივისტის, დოდი ხარხელის სახლში პოლიციაა მობილიზებული.
ამ დროისთვის, არაა დაზუსტებული, რა სახის საპოლიციო მოქმედებები მიმდინარეობს მის სახლში.
როგორც ადგილზე მობილიზებული მოქალაქეები აღნიშნავენ, სამართალდამცავებმა დოდი ხარხელი სახლში ცოტა ხნის წინ შეიყვანეს.
ადგილზე, მოქალაქეები ხარხელის სახლთან მიმდინარე პროცესებს აპროტესტებენ.
დოდის მეგობრის ინფორმაციით, აქტივისტი პოლიციამ საბავშვო ბაღთან აიყვანა, სადაც ხარხელმა არასრულწლოვანი ბავშვი დატოვა.
სახლთან საპოლიციო ძალების მობილიზების შესახებ თავდაპირველად, დოდი ხარხელის მეუღლემ სოციალურ ქსელში გაავრცელა.
