აშშ-ის მიჩიგანის შტატში დანით შეიარაღებულმა მამაკაცმა 11 ადამიანი დაჭრა, - ამის შესახებ ინფორმაციას CNN-ი ავრცელებს.
CNN-ის ცნობით, შემთხვევა მიჩიგანის შტატის ქალაქ ტრავერს-სიტიში მდებარე Walmart-ის სავაჭრო ცენტრში მოხდა.
გრანდ ტრავერსის ოლქის შერიფმა, მაიკლ შიმ განაცხადა, რომ პოლიციამ ადგილზე 42 წლის ეჭვმიტანილი დააკავა, რომელიც მარტო მოქმედებდა.
შერიფის ინფორმაციით, დაშავებულები საავადმყოფოში გადაიყვანეს, ხოლო სამ მათგანს ოპერაცია ჩაუტარდა.
