აშშ-ის მიჩიგანის შტატში ტორნადოს 4 ადამიანი ემსხვერპლა, - ინფორმაციას Reuters-ი ავრცელებს. ადგილობრივი ხელისუფლების ცნობით, სამხრეთ მიჩიგანში ტორნადოსა და ძლიერი შტორმის შედეგად, სულ მცირე, 4 ადამაინი დაიღუპა და ათობით დაშავდა. ძლიერი შტორმის შედეგად რამდენიმე საცხოვრებელი სახლი განადგურდა და ასობით ადამიანი ელექტროენერგიის გარეშე დარჩა.

შვედეთმა უკრაინის მიერ დასანქცირებული სატვირთო გემი დააკავა, - ინფორმაციას შვედური მედია ავრცელებს. „გემი უკრაინის სანქციების სიაშია. მისი საკუთრების სტრუქტურა დაუდგენელია და არსებობს ეჭვი, რომ დაზღვეული არ არის. გასულ ზაფხულს გემმა რუსული დროშა გვინეის დროშით შეცვალა“, - განაცხადა შვედეთის სამოქალაქო თავდაცვის მინისტრმა, კარლ-ოსკარ ბოლინმა. გამოცემა SVT უკრაინულ მხარეზე დაყრდნობით წერს, რომ გემი რუსეთის მიერ დროებით ოკუპირებული ყირიმიდან მარცვლეულის ქურდობაში იყო ჩართული. შვედეთის სანაპირო დაცვის განცხადებით, გემი სანქტ-პეტერბურგში მიცურავდა.