აჭარის პოლიციის დეპარტამენტის უფროსმა გრიგოლ ბესელიამ თანამდებობა დატოვა. როგორც საქართველოს შინაგან საქმეთა სამინისტროში განაცხადეს სხვადასხვა დანაყოფში დეპარტამენტების ხელმძღვანელი პირების როტაციული წესით შეცვლა ხორციელდება.
“შინაგან საქმეთა სამინისტროს სხვადასხვა დანაყოფში, დეპარტამენტების ხელმძღვანელი პირების როტაციული წესით შეცვლა პერიოდულად ხორციელდება, რაც საპოლიციო საქმიანობის ეფექტიანობის კიდევ უფრო გაზრდას ისახავს მიზნად“, - აღნიშნეს მათ.
