🔴 პოლიციამ მარნეულში, მამის მკვლელობისთვის ბრალდებული მამაკაცი, სარფის საზღვარზე დააკავა
ინფორმაციას შინაგან საქმეთა სამინისტრო ავრცელებს.
„შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, დამამძიმებელ გარემოებაში ოჯახის წევრის მიმართ ჩადენილი განზრახ მკვლელობის ბრალდებით ერთი პირი დააკავეს. გამოძიებით დადგინდა, რომ ბრალდებულმა ყოფით ნიადაგზე მომხდარი დაპირისპირებისას, ცივი იარაღის გამოყენებით სასიკვდილო ჭრილობები მიაყენა მამას და შემთხვევის ადგილიდან მიიმალა. სამართალდამცველებმა ბრალდებული დანაშაულის ჩადენიდან რამდენიმე საათში, სარფის სასაზღვრო გამშვები პუნქტის ტერიტორიაზე იმ დროს დააკავეს, როდესაც იგი ქვეყნის დატოვებას ცდილობდა. გამოძიება სისხლის სამართლის კოდექსის 11 პრიმა 109-ე მუხლით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს“,- ნათქვამია ინფორმაციაში.
🔴 პოლიციამ მარნეულში, მამის მკვლელობისთვის ბრალდებული მამაკაცი, სარფის საზღვარზე დააკავა
პოსტი ნახა: 29
მსგავსი სიახლეები
გადაცემები
ოთხშაბათი - პარასკევი, 20:00
აქტუალური თემა - ოთო მღებრიშვილთან ერთად
სამშაბათი, 13:00
