Numbeo-მ თბილისსა და ბაქოში ცხოვრების ღირებულების ინდექსის განაახლა. კვლევითი ორგანიზაცია რიგი ინდიკატორების მიხედვით ერთმანეთს ადარებს საქართველოსა და აზერბაიჯანის დედაქალაქებში ცხოვრების ღირებულებას.
მონაცემები აჩვენებს, რომ ბაქოში ცხოვრება, ქირის ფასის გამოკლებით, 10.5%-იანი იაფი ჯდება, ვიდრე თბილისში. ქირის ფასი ჩათვლით, კი თბილისში 17%-ით უფრო მეტი ხარჯის გაწევაა საჭირო ერთ თვეში, ვიდრე ბაქოში.
უფრო კონკრეტულად, ერთი თვის განმავლობაში თბილისში, ქირის ფასის ჩათვლით, ცხოვრებისთვის დაახლოებით 8 400 ლარია საჭირო, ბაქოში კი ეს თანხა 6 975 ლარს (4 400 მანათი) შეადგენს.
ამასთანავე, Numbeo-ს სტატისტიკით ბაქოში თბილისზე დაბალია ბინის ქირაც. ასე მაგალითად, ბაქოს ცენტრში ერთოთახიანი ბინის ქირის ფასი თვეში 1 289 ლარია (813 მანათი), თბილისში კი 1 922 ლარი. სამოთახიან ბინას კი საქართველოს დედაქალაქის ცენტრალურ უბანში 3 698 ლარად იქირავებთ, აზერბაიჯანის დედაქალაქის ცენტრში კი 2 598 ლარად (1 637 მანათი).
გარდა ამისა, ბაქოში ბინას უფრო იაფად იყიდით, ვიდრე თბილისში. უფრო კონკრეტულად, 1 კვ.მ-ის საშუალო ფასი ბაქოს ცენტრში 5 879 ლარია (3 708 მანათი), თბილისში კი 6 019 ლარი. რაც შეეხება გარეუბნებს, ბაქოში ფასები 3 143 ლარის (1 982 მანათი), თბილისში კი 3 578 ლარის ფარგლებშია.
განსხვავებით სხვა ინდიკატორებისგან, თბილისში საშუალო ხელფასი 20%-ით მეტია, ვიდრე ბაქოში. უფრო დეტალურად, თბილისის შემთხვევაში ეს თანხა თვეში 1 721 ლარია, ბაქოში კი 1 376 ლარი (868 მანათი). რაც შეეხება მსყიდველობით უნარს, ბაქოში 3.7%-ით უფრო ნაკლებია, ვიდრე თბილისში.
ცხოვრების ღირებულების ინდექსში უფრო დაბალი მაჩვენებელი აქვს ბაქოს რესტორნებისა და სურსათის ფასების კუთხითაც. მაგალითად, რესტორანში კვება დაახლოებით 11.1%-ით უფრო იაფია, ვიდრე თბილისში, ხოლო სურსათის ფასები ბაქოში 13.2%-ით დაბალია.
