აშშ-ის სახელმწიფო მდივანმა, ენტონი ბლინკენმა განაცხადა, რომ აშშ ღრმად შეშფოთებულია აზერბაიჯანში სამოქალაქო საზოგადოებისა და მედიის მიმართ მზარდი რეპრესიების გამო.
„აშშ მოუწოდებს აზერბაიჯანის მთავრობას, დაუყოვნებლივ გაათავისუფლოს რუფატ საფაროვი, სევინჯ ვაგიფგიზი, აზერ გასიმლი, ფარიდ მეჰრალიზადა, ბახტიარ ჰაჯიევი, გუბად იბადოღლუ, დამოუკიდებელი ტელევიზია Meydan TV-ის ახლახან დაკავებული თანამშრომლები და მრავალი სხვა, რომლებიც დააკავეს ადამიანის უფლებათა დაცვის სფეროში მუშაობისთვის“, - ნათქვამია ენტონი ბლინკენის განცხადებაში.
ჩვენ მოვუწოდებთ აზერბაიჯანის მთავრობას, გაათავისუფლოს ის პირები, რომლებიც უსამართლოდ დააპატიმრეს ადამიანის უფლებების დაცვისთვის, შეწყვიტოს სამოქალაქო საზოგადოების მიმართ რეპრესიები, პატივი სცეს ადამიანის უფლებებსა და ფუნდამენტურ თავისუფლებებს და შეასრულოს ვალდებულებები, რომლებიც ევროპის უსაფრთხოებისა და თანამშრომლობის ორგანიზაციაში გაწევრიანებისას აიღო“, - დასძინა ბლინკენმა.
