ექიმი კონსტანტინე ჩახუნაშვილი სუს-ში გამოკითხვაზე დაიბარეს. ამის შესახებ ჩახუნაშვილი სოციალურ ქსელში თავად წერს.
“სუს-ში დამიბარეს გამოკითხვაზე. ახლა მოდიან უწყების ჩასაბარებლად ციციშვილის კლინიკაში. მოსამართლესთან გამოკითხვა მოვითხოვე“, - წერს ჩახუნაშვილი.
ცნობისთვის, BBC-მ მოამზადა და გამოაქვეყნა საგამოძიებო მასალა, რომლის მიხედვით, 2024 წლის ნოემბერ-დეკემბერში საპროტესტო აქციების დასაშლელად ნივთიერება “კამიტე” გამოიყენეს, რომლის გამოყენება ბოლოს I მსოფლიო ომის დროს მოხდა.
BBC-ის მიერ მომზადებულ სიუჟეტში საუბარი იყო გამოყენებული ნივთიერების გავლენაზე და მასთან დაკავშირებით ექიმების კვლევის შედეგებზე. ამ თემაზე BBC-ის ერთ-ერთი რესპონდენტი ექიმი კონსტანტინე ჩახუნაშვილი იყო.
