დასავლეთ ერაყში საწვავის შემავსებელი თვითმფრინავის ჩამოვარდნის შედეგად ეკიპაჟის ოთხი წევრი დაიღუპა, - ამის შესახებ აშშ-ის ცენტრალური სარდლობის განცხადებაშია აღნიშნული.
ინციდენტის გარემოებები შესწავლის პროცესშია. თუმცა, თვითმფრინავის დაკარგვა არ ყოფილა გამოწვეული მოწინააღმდეგის ან მოკავშირე მხარის ცეცხლით. სამხედრო მოსამსახურეების ვინაობა არ გასაჯაროვდება მანამ, სანამ ოჯახის წევრების ინფორმირებიდან 24 საათი არ გავა”,- ნათქვამია CENTCOM-ის განცხადებაში.
