South Caucasus Railways-ის საერთაშორისო რეისი - ერევანი-ბათუმი-ერევანი მოძრაობას 14 ივნისიდან დაიწყებს. ამის შესახებ სომხური გამოცემა News.am წერს და აღნიშნავს, რომ შეთანხმება, South Caucasus Railways-ისა და საქართველოს რკინიგზის წარმომადგენლებს შორის, 20 მაისს გამართული შეხვედრისას შედგა.
მატარებელი ერევნიდან თვის ლუწ რიცხვებში იმოძრავებს, ხოლო ბათუმიდან რეისები კენტ რიცხვებში შესრულდება. მგზავრობის დრო კი 16 საათი იქნება.
ერევანი-ბათუმი-ერევანის სარკინიგზო რეისის შემოღებას ტურისტული დატვირთვა აქვს და 14 ივნისიდან 2 ოქტომბრამდე იქნება ძალაში - ამ პერიოდში ერევანი-თბილისის რეისი უქმდება.
ერევანი-ბათუმი-ერევანის საერთაშორისო მატარებელი 3 ტიპის თანამედროვე ვაგონისგან შედგება: დაჯავშნილი ადგილებით; კუპეთი და საძილე ადგილებით.
ბილეთების გაყიდვა უახლოეს პერიოდში დაიწყება - მათი შეძენა შესაძლებელი იქნება როგორც სომხეთისა და საქართველოს მთავარ რკინიგზის სადგურებში, ასევე ონლაინ. ფასები ჯერჯერობით უცნობია.
