ირანისა და ისრაელის ურთიერთ თავდასხმებსა და ვითარების გამწვავებას საფრანგეთის პრეზიდენტი, ემანუელ მაკრონი გამოეხმაურა. მაკრონმა აღნიშნა, რომ საფრანგეთი, თუ მას შესაძლებლობა ექნება, მიიღებს მონაწილეობას ოპერაციებში ისრაელის დასაცავად, თუმცა იქვე აღნიშნა, რომ მის გეგმებში რომელიმე შეტევით ოპერაციაში მონაწილეობა არ შედის.
მაკრონმა ხაზი გაუსვა იმ საფრთხესაც, რომელიც ირანის მხრიდან ატომური ბომბის ფლობას შეიძლება მოჰყვეს.
ჩვენ ვუჭერთ მხარს დიპლომატიურ მიდგომას ირანის ბირთვული და ბალისტიკური რაკეტების საკითხში. ჩვენ ვართ იმ ქვეყნების რიგებში, რომლებმაც ირანის ბირთვული და ბალისტიკური რაკეტების თემაზე ყველაზე მკაცრი და მუდმივი პოზიცია დაამკვიდრა. მხარს ვუჭერთ ისრაელის გადაწყვეტილებას. ვმონაწილეობდით თუ არა მათთან ერთად თავდასხმის დაგეგმვაში? პასუხია არა! ხმამაღლა ვაცხადებ, რომ ირანის ბირთვული იარაღისაკენ მიმავალი ეს გზა საფრთხეს უქმნის რეგიონს, ევროპასა და ზოგადად კოლექტიურ სტაბილურობას. ჩვენ ვერ ვიცხოვრებთ მსოფლიოში, სადაც ირანს ექნება ატომური ბომბი, რადგან ეს საფრთხეს უქმნის სახელმწიფოების არსებობას და ჩვენს კოლექტიურ უსაფრთხოებას," - განაცხადა ემანუელ მაკრონმა.
