იტალიაში, ბოლცანოში მაღაზიაში ქურდობის ბრალდებით საქართველოს მოქალაქე დააკავეს. ინფორმაციას ადგილობრივი მედია ავრცელებს.
იტალიური მედიის ინფორმაციით, 43 წლის მამაკაცი მაშინ დააკავეს, როდესაც ის მაღაზიიდან მოპარული ნივთების გატანას ცდილობდა.
სათვალთვალო კამერების ჩანაწერებით დადგინდა, რომ მან ქურთუკსა და შარვალში სხვადასხვა ნივთები ჩაილაგა და ადგილის დატოვება სცადა, თუმცა დაცვამ ამის საშუალება არ მისცა.
დაკავებულმა პოლიციის მოსვლამდე მაღაზიის დაცვის თანამშრომლების მიმართ წიწაკის სპრეი გამოიყენა და გაქცევა სცადა, მაგრამ ის მაინც დააკავეს.
ბრალდებულს იტალიაში ლეგალურად ცხოვრების უფლება ჰქონდა. მისი გათავისუფლების შემდეგ საქართველოს მოქალაქეს ქვეყნიდან გააძევებენ.
