სააგენტო Transfermarkt-ის მიხედვით, ოთარ კიტეიშვილის სატრანსფერო ღირებულება 1 მლნ ევროთი გაიზარდა და რეკორდულ ნიშნულს მიაღწია.
განახლებული მონაცემით, საქართველოს ნაკრებისა და ავსტრიული „შტურმის“ ნახევარმცველის ფასი 6 მლნ ევროა - აქამდე მაქსიმუმი 5 მლნ ევრო გახლდათ.
29 წლის ფეხბურთელის ფასის მატება მის მიერ ჩატარებულმა წარმატებულმა სეზონმა განაპირობა - ავსტრიის ბუნდესლიგის ჩემპიონი ზედიზედ მეორედ გახდა და თავად სეზონის საუკეთესო ფეხბურთელად ასევე ზედიზედ მეორედ დაასახელეს, ასევე, ევროპის მთავარ საკლუბო ტურნირ ჩემპიონთა ლიგაზე ითამაშა.
შეგახსენებთ, მიმდინარე კვირაში Transfermarkt-მა ხვიჩა კვარაცხელიასა და გიორგი მიქაუტაძის ფასებიც განაახლა და ორივე მათგანი, კიტეიშვილის მსგავსად, კარიერულად უძვირესი ღირს: კვარაცხელია - 90 მლნ ევრო, ხოლო მიქაუტაძე - 22 მლნ ევრო.
გთავაზობთ, დღეის მდგომარეობით, 10 ყველაზე ძვირადღირებულ ქართველ ფეხბურთელს, transfermarkt-ის მონაცემებით:
- ხვიჩა კვარაცხელია - 90 მლნ ევრო;
- გიორგი მამარდაშვილი - 30 მლნ ევრო;
- გიორგი მიქაუტაძე - 22 მლნ ევრო;
- ზურიკო დავითაშვილი - 10 მლნ ევრო;
- საბა გოგლიჩიძე - 8 მლნ ევრო;
- ოთარ კიტეიშვილი - 6 მლნ ევრო;
- გიორგი ჩაკვეტაძე - 4.5 მლნ ევრო;
- ირაკლი აზაროვი - 4.5 მლნ ევრო;
- საბა ლობჟანიძე - 4 მლნ ევრო;
- გიორგი ქოჩორაშვილი - 4 მლნ ევრო.
