მარჯანიშვილზე მომხდარი მკვლელობის ფაქტზე დაკავებულ ამირან დარჯანიას აღკვეთის ღონისძიების სახით პატიმრობა შეეფარდა.
აღნიშნული გადაწყვეტილება თბილისის საქალაქო სასამართლომ მიიღო.
პროკურატურა დარჯანიას მიმართ აღკვეთის ღონისძიების სახით პატიმრობის გამოყენებას ითხოვდა, რასაც დაცვის მხარე დაეთანხმა.
დაკავებულს შესაბამის დაწესებულებაში ფსიქიატრიულ-ფისქოლოგიური ექსპერტიზა ჩაუტარდება.
ცნობისთვის, შემთხვევა 14 იანვარს, თბილისში მოხდა. ამირან დარჯანიას ედავებიან, რომ მან ქალს დანით სხეულის სხვადასხვა არეში მრავლობითი დაზიანებები მიაყენა. მიღებული დაზიანებების შედეგად დაზარალებული ადგილზე გარდაიცვალა.
ამირან დარჯანიას ბრალდება საქართველოს სისხლის სამართლის კოდექსის 109-ე მუხლის „თ“ ქვეპუნქტით (მკვლელობა, ქალისა და მამაკაცის თანასწორობის შეუწყნარებლობის გამო) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.
