ოზურგეთის მუნიციპალიტეტის დაბა ურეკის საჯარო სკოლის გუნდმა მხიარულ სტარტებში საქართველოს ჩემპიონის ტიტული მოიპოვა.
მხიარული სტარტების ფინალური შეხვედრა თბილისის პარასპორტის განვითარების ცენტრში გაიმართა. ფინალში მონაწილე 4 გუნდი დასავლეთ და აღმოსავლეთ საქართველოდან თბილისში ჩამოვიდა. აღმოსავლეთ საქართველოდან – რუსთავის N24 ქართული გიმნაზია და კასპის N1 საჯარო სკოლა, ხოლო დასავლეთ საქართველოდან – ოზურგეთის მუნიციპალიტეტის დაბა ურეკის საჯარო სკოლა და ქუთაისის N40 საჯარო სკოლა.
ადგილები კი შემდეგნაირად გადანაწილდა:
პირველ ადგილზე – ოზურგეთის მუნიციპალიტეტის დაბა ურეკის საჯარო სკოლა გავიდა, მეორეზე – ქუთაისის N40 საჯარო სკოლა. მესამე ადგილის მოპოვება რუსთავის N24 ქართულმა გიმნაზიამ შეძლო, ხოლო მეოთხე ადგილი კასპის N1 საჯარო სკოლამ დაიკავა.
