ძლიერმა ქარმა ხაშურის მუნიციპალიტეტში პრობლემები შექმნა.
როგორც “ქართლის ამბები” იუწყება, ხაშურის სამუსიკო სკოლას ქარმა სახურავი გადახადა. შენობას რეაბილიტაცია ბოლოს 2022 წელს ჩაუტარდა, რაზეც 320 000 ლარი დაიხარჯა.
ხაშურის მერიის ცნობით, ,,სახურავის სრული რეაბილიტაცია 2010 წელს მოხდა. 2022 წელს დაზიანებული ნაწილი შეკეთდა, რაც ამჯერად არ დაუზიანებია ქარს."
ხაშურის საკრებულოს წევრის, [გირჩიდან] ზაზა მეხრიშვილის ცნობით, დაზიანებულია მერიის სახურავიც. ქარმა პრობლემები შეუქმნა მოსახლეობასაც.
