ბიზნესმენი, ხაშურის საკრებულოში "ქართული ოცნების" ყოფილი დეპუტატი, ლევან გამრეკელი დააკავეს.
ინფორმაცია "ინტერპრესნიუსს" პროკურატურაში დაუდასტურეს. თუმცა დეტალებზე არ საუბრობენ.
“ტვ პირველის“ ინფორმაციით კი, გამრეკელი დაკავებამდე დღეს პროკურატურაში დაკითხვაზეც იმყოფებოდა.
სხვა დეტალები, ჯერჯერობით, უცნობია.
ცნობისთვის, გამრეკელი 2021-2025 წლის მოწვევის საკრებულოს წევრი იყო "ქართული ოცნებიდან", 2025 წელს კი სიაში აღარ შეიყვანეს.
