2025 წელი დასასრულს უახლოვდება. როგორც ასტროლოგები ამბობენ, დეკემბრის ბოლომდე არსებული დღეები შეგვიძლია, ნაყოფიერად გამოვიყენოთ და 2026 წელს წარმატებით შევხვდეთ. ამ მხრივ, 22-28 დეკემბრის კვირა განსაკუთრებით მნიშვნელოვანი იქნება, რადგანაც ასტროლოგების თქმით, განვითარებული მოვლენები სიახლეებისა და მნიშვნელოვანი გადაწყვეტილებებისაკენ გვიბიძგებს:
ვერძი
მოგიწევთ, საბოლოოდ დაასრულოთ ის, რაც დაიწყეთ. შესაძლოა, ეს დასასრული წარმატებული იყოს ან კიდევ დაემშვიდობოთ იმ საქმეებსა და პროექტებს, რომლებზეც ერთ დროს ბევრს ფიქრობდით, თუმცა დროთა განმავლობაში აღმოაჩინეთ, რომ თქვენთვის მნიშვნელოვანი აღარ არის. მიმდინარე კვირა თქვენთვის საინტერესო იქნება იმ კუთხითაც, რომ შესაძლოა, სამსახურში ახალი შეთავაზება, კარიერულად დაწინაურების შანსი მიიღოთ, შეხვდეთ ძველ ნაცნობებს, განაახლოთ ურთიერთობები და წელი დადებითი განწყობით დაასრულოთ.
კურო
კურო გაზრდილ პასუხისმგებლობასა და ფინანსების გადახედვის აუცილებლობას იგრძნობს. დღესასწაულებისთვის მოსამზადებლად, საყიდლების სიის შესადგენად და ოჯახური ტრადიციების გასაძლიერებლად კარგი დროა. გარდა ამისა, ურთიერთობებში სითბო, მზრუნველობა გამოხატეთ, საყვარელ ადამიანებს მცირე საჩუქრები გაუზიარეთ. ეს მოტივაციის გაზრდაში დაგეხმარებათ და თავადაც სასიამოვნო განწყობას შეგიქმნით.
ტყუპები
ტყუპებს ინტენსიური კომუნიკაცია, უამრავი ზარი და სიახლე ელის. ამიტომ, მოემზადეთ, შესაძლოა, მიმდინარე კვირამ თქვენი სამომავლო წარმატებები განსაზღვროს. გარდა ამისა, ეს კვირა მეგობრებთან მოკლე შეხვედრებისა და საერთო პროექტების დაგეგმვისთვის შესანიშნავია. რომანტიკულ სფეროში ასევე სასიამოვნო შეხვედრები და თავგადასავლები გელით.
კირჩხიბი
კირჩხიბებმა ოჯახურ საკითხებსა და ფინანსებზე უნდა გაამახვილონ ყურადღება. დროა, მოაგვაროთ მცირე უთანხმოებები და ოჯახური ზეიმებისთვის მოემზადოთ. საყვარელი ადამიანების მხარდაჭერა დაგეხმარებათ, რომ სამსახურში წლის ბოლო პერიოდით გამოწვეულ საქმეებს კარგად გაუმკლავდეთ, შეინარჩუნოთ დადებითი განწყობა და 2026 წელთან შესახვედრად კარგად მოემზადოთ.
ლომი
მიმდინარე კვირა შემოქმედებითი იდეების რეალიზებაში დაგეხმარებათ, რაც მოგცემთ შესაძლებლობას, რომ თქვენთვის საინტერესო აქტივობებში ჩაერთოთ და თვითგანვითარებაზე იფიქროთ. გარდა ამისა, ეს შესანიშნავი კვირაა იმისათვის, რომ რომანტიკული შეხვედრები და წვეულებები დაგეგმოთ. ურთიერთობები ცოცხალი ემოციებით, ბევრი სიხალისითა და დადებითი განწყობით იქნება სავსე.
