ამ წუთებში ვრცელდება ინფორმაცია, რომ ქარელის რაიონის, სოფელ თამარაშენიდან, საოკუპაციო ხაზიდან ოკუპანტებმა 5 არასრულწლოვანი გაიტაცეს.
ინფორმაციას ამის შესახებ ერთ-ერთი დაკავებული არასრულწლოვანის მამა, ბესო სიდამონიძე ავრცელებს და ყველა შესაბამის უწყებას დახმარებას სთხოვს. ბესო სიდამონიძე "ინგა გრიგოლიას დღის ამბებს" გატაცების ადგილის სიახლოვიდან ჩაერთო, მისი თქმით გატაცებულთა ასაკი 10 წელს არ აღემატება ხოლო გატაცების შესახებ ინფორმაცია ოჯახს იმ მოზარდებმა მიაწოდეს, რომლებმაც საოკუპაციო ხაზიდან გაქცევა მოახერხეს.
