რუსეთმა ოდესის ოლქში სამოქალაქო ინფრასტრუქტურას დაარტყა, არის მსხვერპლი, - ინფორმაციას უკრაინული მედია ოდესის საოლქო-სამხედრო ადმინისტრაციაზე დაყრდნობით ავრცელებს.
ოდესის საოლქო-სამხედრო ადმინისტრაციის ცნობით, რუსულმა ძალებმა დარტყმა დრონების გამოყენებით განახორციელეს, რის შედეგადაც, 2 ადამიანი დაიღუპა და 2 დაშავდა.
რუსული ძალების თავდასხმის შედეგად ოდესის ოლქში 5 სატვირთო მანქანა განადგურდა.
ასევე, უკრაინული მედიის ინფორმაციით, გუშინ საღამოს რუსებმა დნეპროპეტროვსკის ოლქს შეუტიეს, რის შედეგად, 2 ადამიანი გარდაიცვალა და 7 დაშავდა.
