შემზარავი ფაქტი მოხდა ჩოხატაურის მუნიციპალიტეტის ერთ-ერთ სოფელში _ “გურია ნიუსის” ინფორმაციით, 30 წლის კაცმა 14 წლის გოგო გააუპატიურა.
როგორც “გურია ნიუსმა” გაარკვია მე-8 კლასელი გოგონა გუშინ გაუჩინარდა. დახმარებისთვის მშობლებმა სოფელში მუნიციპალიტეტის მერის წარმომადგენლობას მიმართა. როგორც კარგად ინფორმირებული წყარო გვიყვება, არსებობს დაზარალებულსა და ზრდასრულ კაცს შორის სატელეფონო მიმოწერები, სადაც სავარაუდო გაუპატიურების ფაქტი იკვეთება.
“გურია ნიუსის” წყაროს ინფორმაციით, არასრულწლოვანი გოგო სახლში დილით დაბრუნდა.
ინფორმაციის გადასამოწმებლად “გურია ნიუსი” სოფელში მერის წარმომადგენელს დაუკავშირდა.
“მე ამ თემასთან დაკავშირებით ვერაფერს გეტყვით, მიმართეთ პრესცენტრს”, _ გვითხრა მერის წარმომადგენელმა.
“გურია ნიუსმა” კომენტარის მისაღებად შსს-ს მიმართა.
უწყების ცნობით, საქმეზე მიმდინარეობს საგამოძიებო მოქმედებები.
