მაღაროელი მირზა ლოლაძე, რომელსაც პროტესტის ნიშნად პირი აქვს ამოკერილი და მშრალ შიმშილობაზე იმყოფება, საავადმყოფოში გადაიყვანეს.
ჭიათურაში უწყვეტი საპროტესტო აქციის 127-ე და შიმშილობის 16-ე დღეა.
შიმშილობს შვიდი ადამიანი, მათგან ერთი საპატიმროში, სამს პირი აქვს ამოკერილი, ორი კი მშრალ შიმშილობაზე იმყოფება.
მაღაროელების ინფორმაციით, ასევე, მძიმეა ტარიელ მიქაცაძის ჯანმრთელობის მდგომარეობა.
შიმშილობის მთავარი მიზეზი და მოთხოვნაა დაკავებული მაღაროელების გათავისუფლებაა.
დღეს მაღაროელებმა ირაკლი კობახიძეს მიმართეს, მათი პრობლემით პირადად დაინტერესდეს.
