საქართველოს ნაკრების კაპიტანმა, თორნიკე შენგელიამ ტრავმის შემდეგ ევროლიგაზე მეორე მატჩი გამართა.
„ბაიერნთან“ სტუმრად, იგი თავის გუნდს მოგებაში დაეხმარა. თორნიკე შენგელია სარგებლიანობის კოეფიციენტის მიხედვით მოედანზე საუკეთესო იყო. მან 28 წუთში, 20 ქულა, 6 მოხსნა, 6 პასი, 2 დაფარება დააგროვა. ამ გამარჯვებით „ვირტუსმა“ სატურნირო მდგომარეობა გაიუმჯობესა და 22 მატჩში 7 მოგებით ევროლიგაში მე-16 ადგილზეა.
