უკრაინის ტერიტორიაზე საჰაერო განგაშია გამოცხადებული, კიევში აფეთქებების ხმა ისმის, - ინფორმაციას უკრაინული მედია ავრცელებს.
მედიის ინფორმაციით, რუსეთი უკრაინას რაკეტებით უტევს, ხოლო კიევში საჰაერო თავდაცვის სისტემები მუშაობს.
მანამდე, უკრაინის საჰაერო ძალებმა ინფორმაცია გაავრცელეს რუსული „მიგ-31“-ის აფრენის შესახებ, რომელიც „კინჟალის“ ტიპის რაკეტებით არის აღჭურვილი.
კიევის საქალაქო-სამხედრო ადმინისტრაციის ხელმძღვანელმა, ტიმურ ტკაჩენკომ მოსახლეობას თავშესაფრებში დარჩენისკენ მოუწოდა.
ამასთან, ტკაჩენკოს ცნობით, ღამით რუსების იერიშების შედეგად კიევში საცხოვრებელი შენობები დაზიანდა. ბოლო მონაცემებით, ერთი ადამიანი დაიღუპა და 11 დაშავდა.
