არაბთა გაერთიანებული საამიროების თავდაცვის სამინისტროს განცხადებით, დღეს ირანის მიერ გაშვებული 15 რაკეტა და 119 დრონი ჩამოაგდეს.
არაბთა გაერთიანებული საამიროების თავდაცვის უწყებაში განაცხადეს, რომ სულ დღის განმავლობაში ირანმა მათი მიმართულებით 16 რაკეტა და 121 დრონი გაუშვა.
მათივე ცნობით, 15 ბალისტიკური რაკეტა საჰაერო თავდაცვის სისტემებმა ჩამოაგდო, ხოლო ერთი რაკეტა ზღვაში ჩავარდა.
უწყების განცხადებით, ორი ირანული დრონი ქვეყნის ტერიტორიაზე ჩამოვარდა.
ასევე, არაბთა გაერთიანებული საამიროების თავდაცვის სამინისტროს ინფორმაციით, ბოლო ერთი კვირის განმავლობაში ირანის მიერ განხორციელებული თავდასხმების შედეგად, 3 ადამიანი დაიღუპა და 112 მსუბუქად დაშავდა.
