გარემოსდაცვითი ზედამხედველობის დეპარტამენტის ინფორმაციით, სამცხე-ჯავახეთში ხე-ტყის უკანონო მოპოვებისა და ტრანსპორტირების 2 ფაქტი გამოავლინეს.
„ბორჯომში, მოქალაქე 5,5 კუბური მეტრი მოცულობის პირველადი გადამუშავების პროდუქტის (ფიცარი) უკანონო ტრანსპორტირებას ახდენდა. სამართალდამრღვევის მიმართ შედგა შესაბამისი დოკუმენტაცია და მასალები, რომლებიც შემდგომი რეაგირების მიზნით, შესაბამის უწყებაში გაიგზავნა.
სოფელ ყვიბისის მიმდებარედ კი, გამოვლენილია 2 ერთეული დაუფირნიშებელი მრგვალი ხე-ტყისა (მორი) და 7,55 კუბური მეტრი მოცულობის საშეშე ხე-ტყის უკანონოდ მოპოვებისა და ტრანსპორტირების ფაქტი“, – ნათქვამია გავრცელებულ განცხადებაში.
მათივე ინფორმაციით, ფაქტი შეიცავს სისხლის სამართლის დანაშაულის ნიშნებს და მასალები შესაბამის უწყებაში გადაიგზავნა.
