"ვინ მიდის ჩინეთში 2025 წლის გამარჯვების დღის სამხედრო აღლუმზე?" — ასე ჰქვია ამერიკული გამოცემის სტატიას, რომელიც ჩინეთის საგარეო საქმეთა სამინისტროს მიწვეული სახელმწიფოების სიას ეყრდნობა. სტუმრებს შორის საქართველო არ არის.
ჩინეთის საგარეო უწყების ინფორმაციით, გამარჯვების აღლუმი პეკინში 3 სექტემბერს გაიმართება. მასში მონაწილეობას 26 სახელმწიფო და მთავრობის მეთაური მიიღებს. მათ შორის არიან: რუსეთის პრეზიდენტი ვლადიმერ პუტინი, აზერბაიჯანის პრეზიდენტი ილჰამ ალიევი, სომხეთის პრეზიდენტი ვაჰან ხაჩატურიანი, ბელარუსის პრეზიდენტ ალექსანდრე ლუკაშენკო, სერბეთის პრეზიდენტი ალექსანდრ ვუჩიჩი, სლოვაკეთის პრემიერმინისტრი რობერტ ფიცო და უნგრეთის საგარეო საქმეთა მინისტრი პიტერ სიიარტო.
ცნობისთვის, საქართველო 2023 წელს ჩინეთის სტრატეგიული პარტნიორი გახდა.
