ჩვენი შეთავაზება ძალიან მარტივია - ყველას მინუს ივანიშვილი - კონკრეტულ პოლიტიკურ პარტიებთან გვაქვს თანხმობა კონკრეტულ სამოქმედო გეგმაზე. ამის შესახებ ინფორმაციას საზოგადოება ძალიან მალე გაიგებს, - განუცხადა ჟურნალისტებს „ნაციონალური მოძრაობის“ ერთ-ერთმა ლიდერმა, ლაშა ფარულავამ ოპოზიციის გეგმებზე დასმული კითხვის საპასუხოდ.
მისი თქმით, ერთიანობა მნიშვნელოვანია არა, როგორც ფურცელზე ხელმოწერა, არამედ, როგორც საშუალება, სამოქმედო გეგმა და სტრატეგია იმისთვის, რომ „ბრძოლა ფინიშზე გავიდეს“.
„ჩვენი შეთავაზება ძალიან მარტივია - ყველას მინუს ივანიშვილი. ჩვენ ყველასთან ვითანამშრომლებთ, გარდა ივანიშვილისა. ერთიანობა მნიშვნელოვანია არა, როგორც ფურცელზე ხელმოწერა, არამედ როგორც საშუალება, სამოქმედო გეგმა და სტრატეგია, რომ ჩვენი ბრძოლა ფინიშზე გავიდეს. სწორედ ამაზე ვმუშაობთ ჩვენ, კონკრეტულ პოლიტიკურ პარტიებთან გვაქვს თანხმობა კონკრეტულ სამოქმედო გეგმაზე. ამის შესახებ ინფორმაციას საზოგადოება ძალიან მალე გაიგებს“, - განაცხადა ლაშა ფარულავამ.
