დედაქალაქის მთავარი პრობლემა საცობი და პარკირებაა, ამ ყველაფრის უკან კი კალაძის კორუფცია დგას, ვინაიდან ფული არსებობდა, მაგრამ საქმე არ გაკეთდა და ფული გაიფლანგა, - ამის შესახებ „ერთიანი ნაციონალური მოძრაობის“ ერთ-ერთი ლიდერმა, ლაშა ფარულავამ მეტრო „დელისთან“ გამართულ ბრიფინგზე განაცხადა.
ლაშა ფარულავას განცხადებით, თბილისის მერმა, კახა კალაძემ თბილისელებს 1.2 მილიარდის „ვალი აკიდა“, რომლის გადახდა, ავტომანქანების მფლობელებს გაზრდილი ჯარიმებით უწევთ.
„კახა კალაძემ თბილისელებს 1.2 მილიარდის ვალი აკიდა და ეს ფული პარკირებას, საცობებს, bus line-ის მოწესრიგებას უნდა მოხმარებოდა, თუმცა ეს ფული „მოტეხეს“, ოქროს ზოდებად დაილაგეს, გაფლანგეს და თბილისელები საცობში დააყენეს. ეს თბილისელების სისტემური ძარცვაა და კახა კალაძე მთავარი დამნაშავეა, „ლურჯი მელია“, რომელიც ივანიშვილმა თბილისში გამოუშვა იმისათვის, რომ თბილისელები ძარცვოს და საცობში დააყენოს. ახლა კი ამ ვალს, ჩვენი თანამოქალაქეები გაზრდილი ჯარიმებით იხდიან. ჯარიმების [საფასური] გაიზარდა, მაგრამ არ გაზრდილა, პარკირების ადგილები.
დღეს, მთავარი პრობლემა საცობი და პარკირებაა, ამ ყველაფრის უკან კი კალაძის კორუფცია დგას, ვინაიდან ფული არსებობდა, მაგრამ საქმე არ გაკეთდა და ფული გაიფლანგა.
ავტომობილს თბილისელები ვერსად ვერ აჩერებენ და ამაზე პასუხისმგებელია კახა კალაძე“,- განაცხადა ლაშა ფარულავამ.
