ირანის ახალი უზენაესი ლიდერი, მოჯტაბა ხამენეი, ომის დროს მიღებული დაზიანებების მიუხედავად უსაფრთხოდ და ჯანმრთელადაა, - ამის შესახებ ირანის მთავრობის მრჩეველმა და პრეზიდენტის ვაჟმა, იუსეფ პეზეშკიანმა განაცხადა.
„გავიგე, რომ ბატონი მოჯტაბა ხამენეი დაშავდა. ვკითხე რამდენიმე მეგობარს, რომლებსაც კავშირები ჰქონდათ. მითხრეს, რომ, ღმერთს მადლობა, ის უსაფრთხოდ და ჯანმრთელადაა“, - დაწერა იუსეფ პეზეშკიანმა სოციალურ ქსელში.
მოჯტაბა ხამენეი საზოგადოებასთან ჯერჯერობით არ გამოჩენილა მას შემდეგ, რაც ის ირანის ახალ უზენაეს ლიდერად აირჩიეს. „ნიუ-იორკ თაიმსის“ ცნობით, ხამენეი აშშ-სა და ისრაელის ირანზე თავდასხმების პირველ დღეს დაშავდა.
