"კობახიძის მოწოდება სამართალდამცავებისადმი, რომ მიხედონ სუპერმარკეტებში ფასების ზრდას, არის რეპრესიების გაფართოება ბიზნესსფეროში და საბჭოთა “ობეხეს” სისტემის რეანიმაცია",- ამის შესახებ ეროვნული ბანკის ყოფილი პრეზიდენტი, რომან გოცირიძე სოციალურ ქსელში წერს.
აღნიშნულით ის პრემიერ მინისტრის ირაკლი კობახიძის მიმართვას ეხმაურება, რომელიც ქვეყანაში მაღალ ფასებს, ასევე რითეილსა და დისტრიბუტორებს შორის შესაძლო კარტელურ გარიგებაზე საუბრობს.
როგორც რომან გოცირიძე წერს, ფასების ზრდის მთავარი მიზეზი ხელისუფლების არასწორი ფულად-საკრედიტო და საბიუჯეტო პოლიტიკაა.
