ფინეთის საგარეო საქმეთა მინისტრის დაჯარიმება არა მხოლოდ ვენის კონვენციის ძალიან უხეში დარღვევაა, არამედ სამუდამო სასირცხვილო ლაქად დარჩება საქართველოს ისტორიას, - ამის შესახებ საქართველოს მესამე პრეზიდენტი მიხეილ სააკაშვილი სოციალურ ქსელში წერს.
როგორც ის აღნიშნავს, მმართველი გუნდი ქართველებს რუსების დავალებით გენეტიკურ კოდს უცვლის.
„ფინეთის საგარეო საქმეთა მინისტრის დაჯარიმება არა მხოლოდ ვენის კონვენციის ძალიან უხეში დარღვევაა, არამედ სამუდამო სასირცხვილო ლაქად დარჩება საქართველოს ისტორიას.
ეს ყაჩაღები, რომლებიც გენეტიკურ კოდს უცვლიან ქართველებს რუსების დავალებით, ერს აგონებენ, რომ სტუმართმოყვარეობა დასაშვებია მხოლოდ რუს მოკრივეებთან, მოჭიდავეებთან, კადიროველ ბანდიტებთან და სულ მალე რუს „სალდატებთანაც“,- წერს მიხეილ სააკაშვილი სოციალურ ქსელში.
