რა მოსდის საპენსიო დანაზოგს მონაწილის გარდაცვალების შემთხვევაში და რა ფორმით შეიძლება პენსიის გატანა?

მონაწილის გარდაცვალების შემთხვევაში, მის ინდივიდუალურ საპენსიო ანგარიშზე აღრიცხული საპენსიო აქტივები, კანონიერ მემკვიდრეს გადაეცემა. ამის შესახებ საპენსიო ფონდის ოფიციალურ საიტზე ვკითხულობთ.

ინფორმაციაში განმარტებულია, რომ მონაწილის გარდაცვალების შემთხვევაში, მის ინდივიდუალურ საპენსიო ანგარიშზე აღრიცხული საპენსიო აქტივების შესაბამისი თანხა, კანონმდებლობით დადგენილი წესითა და პირობებით, მონაწილის კანონიერ მემკვიდრეს/მემკვიდრეებს გადაეცემა.

რაც შეეხება თანხის გაცემას, საპენსიო სააგენტოსთვის მონაწილის მემკვიდრის სათანადო მიმართვის შემთხვევაში, მონაწილის მემკვიდრეობისთვის საპენსიო აქტივების გადაცემა შეიძლება ერთიანი გადახდით, ან საპენსიო აქტივების მონაწილის მემკვიდრის ინდივიდუალურ საპენსიო ანგარიშზე გადატანის გზით.

წყარო:  https://www.bpn.ge/article/138639-ra-mosdis-sapensio-danazogs-monacilis-gardacvalebis-shemtxvevashi-da-ra-pormit-sheizleba-pensiis-gatana/