თურქული მედია იუწყება, რომ ტანკერი „Mersin“, რომელიც ეკუთვნის კომპანია Beşiktaş Denizcilik-ს და პანამის დროშით დაცურავს, სენეგალის ნაპირებთან იძირება.
გამოცემა Istanbul Haber ამტკიცებს, რომ ტანკერი უკრაინულმა დრონებმა დაბომბეს იმის გამო, რომ რუსული ნავთობი გადაჰქონდა. თუმცა, უკრაინული კვალის დამამტკიცებელი არანაირი საბუთი გამოცემას არ მოჰყავს.
გამოცემამ The Insider გამოიკვლია, რომ ეს ტანკერი მართლაც ხშირად შედის რუსულ პორტებში _ 2025 წლის განმავლობაში იგი, არანაკლებ, 13 რუსულ პორტში იმყოფებოდა.
