რუსთავი-თბილისის მიკროავტობუსიდან გადმოვარდნილი მამაკაცი გარდაიცვალა.
75 წლამდე კაცი რამდენიმე დღის განმავლობაში ალადაშვილის სახელობის კლინიკაში, რეანიმაციულ განყოფილებაში იყო მოთავსებული და მართვით სუნთქვაზე იმყოფებოდა.
ვარდნის შედეგად მიღებული დაზიანებები იმდენად მძიმე აღმოჩნდა, რომ ექიმებმა პაციენტის გადარჩენა ვერ შეძლეს.
შეგახსენებთ, მამაკაცი რუსთავი-თბილისის მიკროავტობუსიდან 8 აგვისტოს გადმოვარდა. როგორც მძღოლი აცხადებდა, კაცი სატრანსპორტო საშუალებიდან მისი გაჩერებისა და კარის გაღების შემდეგ გადავარდა.
