ავტოსაგზაო შემთხვევა მოხდა კოპიტნარში, აეროპორტის მიმდებარედ.
გავრცელებული ინფორმაციით, მიკროავტობუსის მძღოლმა საჭე ვერ დაიმორჩილა, რის შედეგადაც გზიდან გადავარდა და ხეს შეეჯახა.
მომხდარის შედეგად მძღოლი დაშავდა. როგორც ირკვევა, ის შემთხვევის დროს მარტო იმყოფებოდა.
შინაგან საქმეთა სამინისტროს ინფორმაციით, ფაქტზე გამოძიება საქართველოს სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
