აშშ-ის არიზონას შტატში ვერტმფრენის ჩამოვარდნის შედეგად 4 ადამიანი დაიღუპა, - ინფორმაციას ABC News-ი ავრცელებს.
აშშ-ის ფედერალური საავიაციო ადმინისტრაციის ცნობით, კერძო ვერტმფრენი ქალაქ ფინიქსის მახლობლად მთებში ჩამოვარდა.
თვითმხილველების განცხადებით, ვერტმფრენი კლდეზე სლექლაინისთვის გაბმულ თოკს შეეჯახა, რის შემდეგაც კონტროლი დაკარგა.
გამოცემის ინფორმაციით, მაშველები შემთხვევის ადგილამდე მიღწევას ცდილობენ.
