გერმანიის კანცლერი ფრიდრიხ მერცი მიიჩნევს, რომ ირანის მიერ ბირთვული იარაღის ფლობა დასაშვებია. მან არ იცის, რას ლაპარაკობს! - ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.
მისი მტკიცებით, ირანს რომ ბირთვული იარაღი ჰქონდეს, მთელი მსოფლიო მძევლად იქნებოდა აყვანილი.
„ახლა ირანთან დაკავშირებით ისეთ რამეს ვაკეთებ, რაც სხვა ერებს ან პრეზიდენტებს დიდი ხნის წინ უნდა გაეკეთებინათ. გასაკვირი არ არის, რომ გერმანიას ასეთი ცუდი მდგომარეობა აქვს, როგორც ეკონომიკურად, ასევე სხვა მხრივ!“- წერს ტრამპი.
ცნობისთვის, ორი დღის წინ, გერმანიის კანცლერმა ფრიდრიხ მერცმა განაცხადა, რომ აშშ-ს ირანთან მოლაპარაკებებში მკაფიო სტრატეგია არ აქვს.
„ვერ ვხედავ, კონფლიქტიდან გამოსვლის რა სტრატეგიას ირჩევენ ამერიკელები. ნათელია, რომ მოლაპარაკებებში ირანელები ძალიან გამოცდილები არიან, ან უფრო ზუსტად იმაში, რომ მოლაპარაკებები არ აწარმოონ“, - განაცხადა მერცმა.
![პრემიერ-მინისტრის, ირაკლი კობახიძის ინფორმაციით, მაისის ბოლომდე ქართულ და ამერიკულ მხარეებს შორის „არაერთი კომუნიკაცია შედგება“. რაც შეეხება აშშ-ისთან ურთიერთობებისთვის დაწესებულ ვადას, მე არ დამიწესებია ვადა [აპრილის ბოლომდე], მე ასეთი ვადა არ მითქვამს. ჩვენ გვაქვს კონკრეტული დღის წესრიგი ამერიკულ მხარესთან შეთანხმებული და არაერთი კომუნიკაცია შედგება მაისის ბოლომდე. კონკრეტულად ვამბობ, ამ შემთხვევაში, მაისის თვეს. აპრილი არ მითქვამს, მაისს გეუბნებით“, - განაცხადა კობახიძემ.](https://trialeti.ge/storage/images/4/4d98b6196bd8d4d2189712a3cc1100c1.webp)
