ხაშური-ბორჯომის გზაზე მომხდარი ორი ავტოსაგზაო შემთხვევის შედეგად მოძრაობა შეფერხებულია

ხაშური-ბორჯომის გზაზე მომხდარი ორი ავტოსაგზაო შემთხვევის შედეგად მოძრაობა შეფერხებულია

14-10-2023 05:49
კატეგორიები: პოლიტიკა

ხაშური-ბორჯომის საავტომობილო გზაზე მოძრაობა შეფერხებულია.

აღნიშნულის მიზეზი ორი ავტოსაგზაო შემთხვევაა.

სოფელ კორტანეთთან, საავტომობილო გზაზე მისაბმელიანი სატრანსპორტო საშუალება ამობრუნდა, რამაც მოძრაობის შეფერხება გამოიწვია

ადგილზე იმყოფებიან საპატრულო პოლიციის ეკიპაჟები და გზის აღნიშნულ მონაკვეთზე ტრანსპორტის ნაკადის ცალმხრივ რეჟიმში გადაადგილებას არეგულირებენ.

კიდევ ერთი ავარია აღნიშნული ავტოსაგზაო შემთხვევიდან რამდენიმე ასეული მეტრის დაშორებით - სოფელ ვარდგინეთთან მოხდა, სადაც ერთმანეთს საპირისპიროდ მოძრავი ორი მსუბუქი ავტომობილი შეეჯახა.

ადგილზე სამართალდამცავები და შსს-ს საგანგებო სიტუაციების მართვის სამსახურის მეხანძრე-მაშველები იმყოფებიან.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარზე ადმინისტრაციული წარმოება დაიწყო. ავტოსაგზაო შემთხვევების შედეგად არავინ დაშავებულა.

პოსტი ნახა: 707


მსგავსი სიახლეები

გადაცემები

ახალი შუადღე
სამშაბათი, 13:00

ახალი შუადღე