თუ ფხენიანს როგორმე შეუძლია რუსეთის დახმარება, ის ამას აუცილებლად გააკეთებს, ეს ძმური მოვალეობაა, - ამის შესახებ ჩრდილოეთ კორეის ლიდერმა, კიმ ჩენ ინმა რუსეთის პრეზიდენტ ვლადიმერ პუტინთან შეხვედრაზე განაცხადა.
„თუ არის რამე, რისი გაკეთებაც შეგვიძლია რუსეთის დასახმარებლად, ჩვენ ამას აუცილებლად გავაკეთებთ და ამას ძმურ მოვალეობად ჩავთვლით. ჩვენ ყველაფერს გავაკეთებთ რუსეთის დასახმარებლად“, - განაცხადა კიმ ჩენ ინმა პუტინთან შეხვედრაზე.
ცნობისთვის, რუსეთის პრეზიდენტ ვლადიმერ პუტინსა და ჩრდილოეთ კორეის ლიდერ კიმ ჩენ ინს შორის შეხვედრა პეკინში მიმდინარეობს, სადაც ისინი მანამდე იაპონიის წინააღმდეგ და მეორე მსოფლიო ომში გამარჯვების 80 წლისთავის აღსანიშნავად გამართულ სამხედრო აღლუმს დაესწრნენ.
