ხუთშაბათს, 12 დეკემბერს, ლიეტუვას პარლამენტმა (სეიმმა) სახელმწიფო აღიარება მიანიჭა რომუვას რელიგიურ ასოციაციას, რომელიც ძველი ბალტიური წარმართული რწმენის მიმდევარია.
ამ გადაწყვეტილებას მხარი 64-მა კანონმდებელმა დაუჭირა, 8 წინააღმდეგი იყო, 10-მა კი თავი შეიკავა.
„ლიეტუვაში დიდი ხნის განმავლობაში თანაარსებობდნენ სხვადასხვა ეროვნებისა და რელიგიის ადამიანები და ყველას შეეძლო ერწმუნა ის, რაც სურდა. გთავაზობთ, მხარი დაუჭიროთ ამ წინადადებას და საბოლოოდ მოვაგვაროთ რომუვას პრობლემა“, - მიმართა კენჭისყრის წინ კოლეგებს სოციალ-დემოკრატმა დეპუტატმა, იურატე ზაელსკენემ.
სახელმწიფოს მიერ აღიარების შემდეგ, რომუვას ასოციაცია მიწის გადასახადისგან გათავისუფლდება, მის მღვდლებს სოციალური დაზღვევა მიეცემათ, ქორწინების მოწმობა კი სამოქალაქო რეესტრის ოფისში გაცემული დოკუმენტის ტოლფასი იქნება.
რომუვამ, სახელმწიფოს მიერ აღიარების მოთხოვნით, პარლამენტს პირველად 2017 წელს მიმართა, სტატუსის ვერმიღების შემდეგ კი, 2019 წელს, ასოციაციამ ადამიანის უფლებათა ევროპის სასამართლოში ECHR-ში შეიტანა სარჩელი.
ამ წლის დასაწყისში, უძველესი ბალტიის რელიგიური ასოციაცია მეორედ მიმართა (ECR) და გამოხატა შეშფოთებას პარლამენტის მიერ სასამართლოს წინა ინტერპრეტაციებზე პასუხის გაუცემის და აღიარების უარყოფის გამო.
2021 წელს ECHR-მ დაადგინა, რომ ლიეტუვას პარლამენტის უარი რომუვას აღიარებაზე ადამიანის უფლებათა ევროპული კონვენციის ზოგიერთ დებულებას ეწინააღმდეგება.
მიმდინარე წლის დასაწყისში, ძველი ბალტიური რელიგიის ასოციაციამ მეორედ მიმართა ადამიანის უფლებათა ევროპულ სასამართლოს და შეშფოთება გამოთქვა იმის გამო, რომ ლიეტუვას პარლამენტმა სასამართლოს განმარტება არ გაითვალისწინა და აღიარებაზე უარი თქვა.
2011 წლისთვის საკუთარ თავს ძველი ბალტიური წარმართული სარწმუნოების მიმდევრად დაახლოებით 5 100 ადამიანი მიიჩნევდა, 2001 წლის აღწერის დროს ეს მაჩვენებელი 1200 იყო.
