ქალი მეზობლის აივანზე გარდაცვლილი იპოვეს. დედოფლისწყაროში, თავისუფლების ქუჩაზე მდებარე საცხოვრებელი სახლის აივანზე, 60 წელს გადაცილებული ქალი გარდაცვლილი იპოვეს. ადგილობრივების ინფორმაციით, ის მეზობელი ქალის სახლია, რომელსაც გარდაცვლილი ხშირად სტუმრობდა. ერთ-ერთი ვერსიით, მხარეებს შორის კონფლიქტი მოხდა, სავარაუდოდ, იმ დროს, როცა ისინი არაფხიზელ მდგომარეობაში იყვნენ. გარდაცვლილი მათთან მისულმა სხვა პირმა ამოიცნო. ცხედარი ლევან სამხარაულის სახელობის გურჯაანის ექსპერტიზის ეროვნულ ბიუროშია გადასვენებული.

სახელმწიფო უსაფრთხოების სამსახურში გამოკითხვაზე ისტორიკოსი და ოპოზიციონერი პოლიტიკოსი, გუბაზ სანიკიძე და თავდაცვის ყოფილი მინისტრი, თინა ხიდაშელი დაიბარეს. როგორც „ინტერპრესნიუსთან“ მათ განაცხადეს, მზად არიან სუს-ის მიერ დაწყებული გამოძიების ფარგლებში კითხვებს უპასუხონ, თუმცა კითხვებზე პასუხის გაცემას მხოლოდ მაგისტრატ მოსამართლესთან აპირებს გუბაზ სანიკიძე. „ჯერ ველოდები მოსამართლის ზარს. კითხვებს, რა თქმა უნდა, მოსამართლის წინაშე ვუპასუხებ“- განაცხადა გუბაზ სანიკიძემ რაც შეეხება თინა ხიდაშელს, მისი თქმით, უწყებაში მისვლას აპირებს. „მისვლას ვაპირებ, ოღონდ ჯერ არ ვიცი, როდისაა“, - აღნიშნა თინა ხიდაშელმა.