რუსეთისა და ბელარუსის ერთობლივი სწავლებისას სამხედროები ბირთვული იარაღისა და ექსპერიმენტული რუსული რაკეტის, „ოერშნიკის“ გამოყენების დაგეგმვაში გაივლიან წვრთნებს.
ამის შესახებ განცხადება ბელარუსის თავდაცვის მინისტრმა, ვიქტორ ხრენინმა ქვეყნის პრეზიდენტთან, ალექსანდრ ლუკაშენკოსთან შეხვედრაზე გააკეთა.
„ეს ჩვენთვის არის მთელი შეკავების მნიშვნელოვანი სტრატეგიული ელემენტი. როგორც ბელარუსის პრეზიდენტი მოითხოვს, ჩვენ ყველაფრისთვის მზად უნდა ვიყოთ. ჩვენ ვხედავთ შექმნილ სიტუაციაში ჩვენს დასავლეთ, ჩრდილოეთ საზღვრებს და მშვიდად ვერ მივადევნებთ თვალს მილიტარიზაციასა და სამხედრო აქტივობას. ჩვენ ვახდენთ ჩვენი ღიაობის დემონსტრირებას, მაგრამ დენთი ყოველთვის უნდა შეინახო მშრალად“, – განაცხადა ბელარუსის თავდაცვის მინისტრმა.
ცნობისთვის, რუსეთის და ბელარუსის შეიარაღებული ძალების ერთობლივი სამხედრო წვრთნები „დასავლეთი 2025“ 12-16 სექტემბერს გაიმართება.
